დაფარვის ცოდვა...
თხრობისას პაკს არაფერი უთქვამს ფსიქიატრიული კლინიკის პაციენტ მინჰოსთან ერთობ ამაღელვებელი საუბრის შესახებ. მძიმედ დაავადებული მინჰო თავისი ,, მასწავლებლის", ,,მბრძანებლის" მოახლოებული დაბრუნების შესახებ ლაპარაკობდა. ავადმყოფის შეშლილმა, შიშჩამდგარმა თაველებმა პაკი დააეჭვა
- ხომ არ იყო ეს ,,მასწავლებელი" არა რეალური ადამიანი, არამედ
- როგორც ფსიქიკური სენით შეპყრობილ ადამიანებს სჩვევიათ -
მხოლოდ მინჰოს დაავადებული გონების ნაყოფი? სწორედ ასე ფიქრობდნენ კლინიკის ექიმები. მაგრამ თუ აქამდე მინჰო მართლაც ბოდავდა და მისი ნაამბობი სრულ უაზრობას წარმოადგენდა, ახლა საკმაოდ ლოგიკურად და დამარწმუნებლად მსჯელობდა, რაც ძალზე უცნაური იყო...
პაკმა აგრეთვე შეგნებულად არ გაუზიარა ჯონგუკს საკუთარი შიში იმის გამო, რომ მინი კვლავაც იგვიანებდა. ის, კარგად იცნობდა მინს, როგორც მოზომილ, გაწონასწორებულ პიროვნებას, რომელსაც ადამიანებთან ურთიერთობისას უპასუხისმგებლობა არ სჩვეოდა.