Ушедшие дни...

Yenə payız gəlib güllər solmadan.
Tökülüb, sel kimi, yağışlar.
Sən də getdin, heç həyatdan doymadan
Sənsiz qalıb neçə ocaqlar...
Vaxt gedir, bizi gözləmir barı...
Neynəsək də, çarəsizik biz.
Yaxınlaşacayıq sənə sarı
Sənin kimi səssiz səmirsiz.
Bu yara dərindir, dözmək olmur.
Sıxılır ürəyim, sızlayır.
Təsəlli verirəm, amma olmur.
Yenə sənin üçün ağlayır.
Hər görən oğlanı oxşadıram
Mənim nurüzlü mələyimə
Hər birində axtarıram
Nə deyim belə taleyimə?
Bu payızdan o qədər olacaq..
Yağış da tökürlər təkrar...
Ancaq şəkillər bizə qalacaq
Səndən ömürlük bir yadigar...